← Нүүр хуудас

Тусламж

Захиалга, төлбөр, бүртгэлийн асуудал эсвэл санал хүсэлтээ бидэнд бичээрэй.

Холбоо барих

И-мэйл
support@tov.best

Захиалга, төлбөр, буцаалт, бүртгэл, апп ажиллахгүй байгаа гээд бүх асуудлаар энэ хаягаар бичнэ үү.

Хурдан шийдэхийн тулд захидалдаа дараахыг бичнэ үү:

Нууц үг, SMS-ээр ирсэн код, банкны нэвтрэх мэдээлэл, картын кодоо хэзээ ч бүү илгээгээрэй. Тов-ын ажилтан эдгээрийг хэзээ ч асуухгүй.

Хариу хэзээ ирэх вэ

Бүртгэлээ устгах

Бүртгэлээ хэдийд ч өөрөө устгаж болно.

Апп дээр

  1. Дээд буланд байрлах профайлын дүрсээр Профайл руу орно.
  2. Тохиргоо хэсгийн «Бүртгэл устгах» мөрийг сонгоно.
  3. «Бүртгэлээ устгах» товчийг дарж, анхааруулгыг уншаад «Үргэлжлүүлэх»-ийг дарна.
  4. Нууц үгээ оруулж «Устгах»-ыг дарна. SMS кодоор нэвтэрсэн, нууц үггүй бүртгэл нууц үг асуухгүй, оронд нь дахин нэг удаа баталгаажуулна.

Вэб дээр

  1. tov.best-д нэвтэрч Профайл хуудсыг нээнэ (вендор бол вендорын профайл).
  2. «Бүртгэлээ устгах» товчийг дарж баталгаажуулна.
  3. УСТГАХ гэж бичээд нууц үгээ оруулна.

Устгамагц нэвтрэх эрх хаагдаж, ирээдүйн захиалгууд цуцлагдан нөгөө талд мэдэгдэнэ. Энэ үйлдлийг буцаах боломжгүй. Урьдчилгаа төлсөн ирээдүйн захиалгатай бол бүртгэлээ устгахаасаа өмнө захиалгаа цуцлахыг зөвлөж байна. Юу устаж, юу үлддэгийг Нууцлалын бодлогын 8.1-д бичсэн.

Нэвтэрч чадахгүй бол эхлээд нэвтрэх хуудасны «Нууц үг мартсан?»-оор нууц үгээ сэргээнэ. Тэгээд ч болохгүй бол бүртгэлтэй утасны дугаараа бичиж support@tov.best хаягаар устгах хүсэлт илгээнэ үү. Бусдын бүртгэлийг устгуулахаас сэргийлж таныг баталгаажуулсны дараа устгана.

Сэтгэгдэл мэдээлэх, хэрэглэгч хаах

Доромжилсон, заналхийлсэн, хуурамч, спам эсвэл өөр зохисгүй сэтгэгдэл, бизнесийн хариу харвал:

  1. Үйлчилгээ эрхлэгчийн хуудсан дээрх тухайн сэтгэгдэл эсвэл хариуны дэргэдэх «Мэдээлэх» товчийг дарна.
  2. Юу нь зохисгүй болохыг сонгож, хүсвэл тайлбар нэмээд «Мэдээлэх»-ийг дарна.

Хэрэглэгч хаах. Тухайн хүний сэтгэгдэл эсвэл бизнесийн хариуг цаашид харахыг хүсэхгүй бол мөн тэр цонхны «Энэ хэрэглэгчийн сэтгэгдлийг хаах» (бизнесийн хариунд «Энэ бизнесийн хариуг хаах»)-ыг дарна. Хаасан агуулга зөвхөн танд харагдахгүй болох бөгөөд хаасан тухай Тов-д мөн мэдэгдэнэ. Буцааж нээх бол Профайл → «Хаасан хэрэглэгчид».

Тов мэдээлэл бүрийг 24 цагийн дотор хянаж, дүрэм зөрчсөн агуулгыг устгана. Зөрчсөн хэрэглэгчийн сэтгэгдэл бичих, хариу нийтлэх эрхийг хааж болно. Дүрмийг Үйлчилгээний нөхцөлийн 7-р хэсэгт бичсэн.

Вендор өөрийн хуудсан дахь сэтгэгдлийг Сэтгэгдэл хэсгээс мөн «Мэдээлэх»-ээр мэдээлнэ. Бүхэл бизнесийн хуудас буруу эсвэл хуурамч бол холбоосыг нь support@tov.best хаягаар илгээнэ үү.

Бусад